FAMILIA-ESKOLA
FAMILIA-ESKOLA HARREMANA
Kimba haur-eskolek seme-alabekin arduratuta dauden gurasoei jarduera eta informazio zabala eskaintzen dizkie haien zalantzak argitzeko eta haiek ere seme-alaben heziketan laguntza izan dezaten.
- HITZALDIAK
Hezkuntza munduko aditu ezagunek irakasleei eta gurasoei bereziki baina mundu guztiari zabalik dauden hitzaldiak ematen dituzte. Hiru hilabetean behin eta gaur egungo gurasoen beharrei begira, seme-alaben hezkuntzan laguntzea helburu duten ekitaldi horiek antolatzen dira.
-FAMILIA TAILERRAK
Astean behin, gurasoak eskolara joaten dira seme-alaben materialak atontzera. Horrekin batera, seme-alabek izaten duten ingurunea hobeto ezagutzen dute eta beste familia batzuekin harremanetan izaten dira.
- GURASO ESKOLA
Hilean bitan ordubeteko saioak antolatzen dira. Familia orientatzaile batek gidatzen ditu eta gurasoen formaziorako osagarri diren kontuak jorratzen dira. Ohiturak bereganatzeari, haurtzaroko garapenari edo eskolan parte hartzeko eskola ezagutzeari buruz hitz egiten da bertan.
Guraso Eskola aitak eta amak elkartzeko gunea da eta bertan, profesionalek lagunduta, euren seme-alaben heziketarekin lotutako esperientziak eta ezagutzak elkartrukatzen dituzte.
Kimba haur-eskolak seme-alaben heziketaren osagarri dira, gurasoekin harreman estua mantenduta Guraso Eskola bidez.
Umeen heziketaren hobekuntzan laguntzeko helburuarekin, Kimbak, Guraso Eskolan eta talde txikitan, Heziketa Ikasketen Europako Institutuaren (IEEE) bitartez, Familia Heziketa Plana garatzen du: gurasoei bideraturiko etengabeko prestakuntza-plan pertsonalizatua; honen bidez seme-alaben hobekuntza pertsonala lortzen da borondatearen garapenaren bitartez.
HELBURUAK:
• Familia-beharrak eta aukerak deskubritzea.
• Gurasoek euren seme-alaben heziketan esku-hartze handiagoa izan dezaten lortzea.
• Balioak transmititzeko bitarteko zehatzak ezagutzea.
• Familia arteko komunikazioa sustatzea eta sakontzea.
• Seme-alabak hobeto ezagutzea eta familia-harremana hobetzea.
• Gurasoei heziketa-prozedura ezberdinak garatzen eta euren seme-alabengan aplikatzen laguntzea.
• Beste familia batzuen lorpenekin aberastea.
ZERTAN DATZA FAMILI ORIENTABIDE PROGRAMA?
• Borondatearen heziketa: bitartekoak jarri euren seme-alabak pertsona askeak eta arduradunak izan daitezen, bizi-proiektu bat planteatzeko eta burutzeko gai.
• Heziketa positiboa: jarrera positiboak deskubritu eta sustatu heziketa eraginkorragorako.
• Heziketa motibatua: benetako arrazoiak eman seme-alabek askatasunez eta arduraz joka dezaten.
• Heziketa prebentiboa: lehenago heltzeak seme-alabei ondo hautatzeko aukerak ematea dakar.
METODOLOGIA
• Hiru hiletik behin hezkuntza-gai baten inguruko liburu bat irakurtzea (3 banakako lan-gida eta 3 taldeko lan-gida ditu).
• Seme-alabekin Ekintza Planak abiaraztea aztura edo bertute zehatz batean hobe daitezen.
• Hilero bi orduko bilera bat aholkulariarekin eta beste guraso batzuekin, liburua irakurtzetik sor daitezkeen zalantzak argitzeko eta egindako lanak laburbiltzeko.
• Etengabeko komunikazioa aholkulariarekin (zuzenekoa edo posta elektroniko bidez) Ekintza Plana garatzen laguntzeko eta baita sortzen diren zalantzak argitzeko.
• Hiru hiletik behin ordubeteko bilera bat IEEEren Aholkulariarekin.
